Einstakt umhverfi

Bláa Lónið er vinnustaður sem á sér enga hliðstæðu. Hjá okkur færð þú tækifæri til að vaxa í starfi, öðlast þekkingu í gegnum þjálfun og þroska hæfileika þína í náttúru og umhverfi sem lætur manni einfaldlega líða vel.

Fjölbreytni og þróun í starfi

Fáir vinnustaðir á Íslandi bjóða upp á jafn mikla breidd af störfum og Bláa Lónið. Fjölbreytnina má rekja til þess að Bláa Lónið er með víðtæka starfsemi á  ólíkum sviðum sem tengjast þó innbyrðis. Mörg dæmi eru til um starfsfólk sem hefur þróast í starfi og farið á milli ólíkra sviða eftir því sem menntun og áhugasvið viðkomandi hafa þróast.

Bláa Lónið

Bláa Lónið sjálft er það sem flestir þekkja í starfseminni. Þar starfar framúrskarandi fólk í ýmsum þjónustustörfum, við öryggisgæslu, þrif, skrifstofustörf og fleira. Leikarar blanda geði við gesti Bláa Lónsins og nuddarar hámarka slökunina.

Veitingar

Bláa Lónið rekur LAVA Restaurant, einn glæsilegasta veitingastað landsins, ásamt því að bjóða upp á margskonar hressingu fyrir gesti á nokkrum starfsstöðvum. Frábærir matreiðslumenn og okkar einstaka framreiðslufólk leikur lykilhlutverk í að skapa matarupplifun á heimsmælikvarða.

Verslanir

Bláa Lónið er með sína eigin húðvörulínu, sem byggir á virkum efnum jarðsjávarins. Við leggjum mikla áherslu á náttúruvæna og græna framleiðslutækni en á bakvið húðvörurnar liggur mikið þróunar- og markaðsstarf.  Fyrirtækið rekur verslanir í Reykjavík, Leifsstöð og við sjálft lónið.

Skrifstofa

Á skrifstofu Bláa Lónsins starfa sérfræðingar í sölu, markaðssetningu, stefnumótun, fjárhagsbókhaldi, mannauðsmálum og upplýsingakerfum svo fátt eitt sé nefnt. Áhersla er lögð á teymisvinnu þar sem markmiðið er að styðja framlínu og viðskiptaeiningar Bláa Lónsins.

Þróunarsetur

Í rannsóknar- og þróunarsetrinu fer fram vísindastarf á heimsmælikvarða. Þar starfa sérfræðingar á borð við lyfjafræðinga, efnafræðinga og snyrtifræðinga sem skapa verðmæti úr virkum efnum jarðsjávarins.

Viðhald

Það þarf mikinn mannskap til að halda fasteignum og búnaði í góðu standi. Smiðir, rafvirkjar, píparar, vélstjórar, múrarar, málarar og aðrir iðnaðarmenn sinna hinum ýmsu viðhaldsstörfum.

Silica Hotel

Silica Hotel er í 10 mínútna göngufjarlægð frá Bláa Lóninu. Þar eru 35 herbergi og aðbúnaður allur hinn glæsilegasti. Á hótelinu er einnig starfrækt Lækningalind þar sem boðið er upp á náttúrulega psoriasismeðferð.